Terrorçunu zərərsizləşdirən Vasif Tağıyev əməliyyat olunub
İrandakı səfirliyinə terror hücumunda yaralanan şəxslərin vəziyyəti qənaətbəxşdir
Ötən gün Azərbaycanın İrandakı səfirliyinə terror hücumunda yaralanan şəxslərin vəziyyəti yaxşıdır.
Bunu İranın “Şohada-e Tajriş” xəstəxanasının rəhbəri Şəhram Ələmdari deyib.
Ş.Ələmdarinin sözlərinə görə, 1-ci əməliyyatda səfirliyin mühafizə xidmətinin əməkdaşı Vasif Tağıyevin çiynindən, 2-ci əməliyyatda isə çənəsindən güllə çıxarılıb. "Hazırda onun vəziyyəti yaxşıdır", - həkim bildirib.
Ş.Ələmdari əlavə edib ki, 2-ci şəxsin də ortopedik əməliyyatla güllə bədənindən çıxarılıb və hazırda vəziyyəti yaxşıdır:
"Hər iki xəstənin vəziyyəti yaxşıdır və tezliklə sağalacaqlarına ümid edirik".
Dünən yaralı vətəndaşlarımıza İran XİN-in başçısı Abdolahiyan baş çəkib. İran TV-lərinin təqdim etdiyi süjetdə xəstəxanasının həkimi XİN rəhbəri ilə rəsmi fars dilində yox, azərbaycan dilində danışır.