Azərbaycanda polislərlə bağlı yeni qərar

Qərar xarici pasportlarının verilməsinə və ya dəyişdirilməsinə görə ödənilən dövlət rüsumu ilə bağlıdır.
Polis
Polis

Azərbaycan Nazirlər Kabineti “Polis əməkdaşının maddi və sosial təminatları ilə bağlı Qaydaların təsdiq edilməsi haqqında” qərarında dəyişiklik edib. ANS PRESS-in məlumatına görə,  dəyişikliyə əsasən, “Polis əməkdaşının maddi və sosial təminatları ilə bağlı Qaydaların təsdiq edilməsi haqqında” Nazirlər Kabinetinin 2000-ci il 20 aprel tarixli 73 nömrəli qərarının 1.5-ci bəndi ləğv edilib.

Azərbaycan daxili işlər nazirliyi
Azərbaycan daxili işlər nazirliyi

Qeyd edək ki, 1.5-ci bənd Azərbaycan Respublikası vətəndaşının şəxsiyyət vəsiqəsinin və Azərbaycan Respublikasının vətəndaşlarına xaricə getmək hüququ verən ümumvətəndaş pasportlarının verilməsinə və ya dəyişdirilməsinə görə ödənilən dövlət rüsumunun 20 faizinin Azərbaycan Respublikası Daxili İşlər Nazirliyinin pasport və qeydiyyat qurumlarının xüsusi rütbəsi olan əməkdaşlarının (“ASAN xidmət” mərkəzlərində fəaliyyət göstərən işçilər istisna olmaqla) sosial müdafiəsini gücləndirmək, maddi təminatını yaxşılaşdırmaq məqsədi ilə xüsusi hesaba köçürülməsini nəzərdə tuturdu.

 

Şərhlər