Ermənistanın paytaxtı İrəvanın Azadlıq meydanından Xarici İşlər Nazirliyinin və Rusiya səfirliyi qarşısında yürüş başlayıb.
ANS PRESS-in məlumatına görə, aksiya iştirakçıları Ermənistan və Rusiya XİN rəhbərlərinin görüşü ərəfəsində öz tələblərini irəli sürmək fikrindədir.
Aksiyayla bağlı sosial şəbəkədə xəbərdarlıq və bəyanat yayılıb. Yayılan bəyanatda Sergey Lavrovun İrəvanda Ermənistan höküməti ilə Kremlin Dağlıq Qarabağ münaqişəsinin nizamlanması planının müzakirəsi zamanı etiraz aksiyası təşkil olunacağı qeyd olunur.
Həmçinin “DQR”in tanınması və Rusiyanın Azərbaycana silah satışının dayandırması tələbləri irəli sürüləcəyi vurğulanır.
Sonuncu dəfə Ermənistanın paytaxtı İrəvanda aprelin 13-də Rusiya səfirliyi qarşısında mitinq keçirilib.
Ermənilərin etiraz yürüşü Azadlıq meydanından başlayıb. Mitinq Ermənistanda yerləşən Rusiya səfirliyinin binası qarşısında bəyanat səsləndirildikdən sonra başa çatıb.
Burada etiraz aksiyasının iştirakçıları adından Rusiyaya qarşı növbəti tələblər irəli sürülüb. Ermənilər Rusiyadan bunları tələb edib:
1. "De-yure" siyasi müttəfiqinin öz vəzifələrini icra etməsi, gələcək qərarlarında Ermənistanın milli maraqlarına və təhlükəsizliyinə hörmət etmək,
2. Azərbaycana silah satışını dərhal dayandırmaq.
14256
