Fransanı qana bulayan şəxsin meyiti tapıldı (YENİLƏNİB)

Paris prokuroru Əbdülhəmid Əbaudinin ölü olaraq ələ keçirilənlər arasında olduğunu təsdiqləyib.
Parisdə terror aktlarının təşkilində əsas şübhəli Əbdülhəmid Əbaudi ötən gün şəhərin Sen-Deni rayonunda xüsusi təyinatlıların keçirdiyi əməliyyat zamanı öldürüldüyü təstiqlənib.

ANS PRESS-in məlumatına görə, Paris prokuroru Fransua Molen Əbaudun meyiti həlak olanlar arasında tanınıb. Onun şəxsiyyətini barmaq izlərindən müəyyən etmək mümkün olub.

Ötən gün Parisdə terrorçuların zərərsizləşdirilməsinə dair keçirilən əməliyyatda azı 2 nəfər həlak olub. Onlardan biri özünü partladan qadın- kamikadze olub. Daha 8 nəfər saxlanılıb.


***11:53***
Paris terrorunun təşkilatçısı olduğu ehtimal edilən “Əbu Ömər əl Belçiki” ləqəbli Əbdülhəmid Əbaudinin meyiti ötən gün əməliyyat nəticəsində məhv edilən terrorçuların arasında olmayıb.

Parisin baş prokuroru öldürülən iki nəfrdən birinin qadın olduğunu deyib. Ehtimala görə, o təşkilatçının bacısı olub. "Hazırda mən iki terrorçunun zərərsizləşdirilməsi xəbərini təsdiq edə bilərəm".

***10:17***
Noyabr ayının 13-də Fransada 132 insanın ölümünə səbəb olan terror hadisələrini planlaşdıran “Əbu Ömər əl Belçiki” ləqəbli Əbdülhəmid Əbaudin öldürülməsi barədə xəbər yayılıb.

ANS PRESS-in məlumatına görə, Fransız polisi dünən terrorun təşkil edilməsində əsas rol oynayan şəxsin yaxalanması üçün şəfəq əməliyyatı keçirib.

Əbdülhəmid Əbaudun adı bundan qabaq da bir neçə terror aktında hallanıb. Suriyadan Avropaya keçən Əbaud İŞİD-in tərkibində Avropaya keçə bilməsini belə ifadə etmişdi: "Kafir, Allah tərəfindən kor edilmişdi. Hətta sərhəddin bir məsul işçisi məni saxladı. Onun əlində axtarılan şəxs qismində mənim fotom var idi. Ancaq həmin şəxs məni bənzədə bilmədi. Bu Allahın lütfündən başqa bir şey değil".

Öldürülən şəxs terror təşkilatının tərkibinə 2014-cü ildə Suriyada qatılıb.




Əbdülhəmin Əbaud - Fransadakı terror hadisələrini planlaşdıran şəxs


Hadisədən sonra Parisin prokuroru François Molins mətbuata açıqlama verərək anti-terror əməliyyatları zamanı 2 nəfərin öldüyünü, terror planlaşdırılan evin isə tamamən məhv edildiyini bildirib.

Əməliyyat zamanı 8 nəfərin də həbs edildiyini deyən prokuror, həmin şəxslərin arasında Salah Adeslamın olmadığını bildirib. Ancaq əməliyyat zamanı partladılan evdə hələlik kimliyi müəyyən edilməyən şəxslərin də olduğu bildirilir.


Axtarışda olan terrorçu Salah Adeslam

Noyabr ayının 16-də Parisdə baş verən terror aktlarını planlaşdıran belçikalı Əbdülhəmid Əbaudun yaxalandığı barədə məlumatlar yayılmışdı. Fransa hüquq-mühafizə orqanları terror aktlarını Ə. Əbaudun planlaşdırdığını və onun Belçikada yaxalandığı barədə məlumat yaymışdılar.

Yayılan məlumata görə, Fransa polisi paytaxt Parisdə baş verən terror aktları sonrası genişmiqyaslı araşdırmalar aparıb və və hadisələri törədən şəxslərin kimliyini müəyyən edib. Əbaudun daha əvvəl paytaxtda kilsə və sürət qatarına hücum etmək niyyətində olduğunu da müəyyən edilib.

Belçikada Əbdülhamiddən başqa daha 6 nəfərin şübhəli şəxs qismində nəzarətə götürüldüyü bildirilirdi.


Fransada terror nəticəsində ölənlərin sayı çoxaldı (YENİLƏNİB)

“Bataclan”dan dəhşətli mesaj: hamını kəsirlər

Terrorçular Parisdə baş kəsdilər

Girov böhranı bitdi: 118 ölü var