Ərdoğan Belarusa gedir

Bu səfərin Türkiyədə hərbi çevrilişə cəhddən sonra Ərdoğanın ilk rəsmi səfəri olacağı gözlənilir.
Rəcəb Tayyib Ərdoğan
Rəcəb Tayyib Ərdoğan

Türkiyə prezidenti Rəcəb Tayyib Ərdoğan Minskə rəsmi səfər etməyə hazırlaşır. ANS PRESS-in məlumatına görə, bu haqda "Ria Novosti" agentliyinə Türkiyə səfirliyindən xəbər veriblər. 

Belarus ticari-sənaye palatasının saytında isə məlumat yerləşdirilib ki, iyulun 29-da Minskdə Ərdoğanın iştirakı ilə Belarus-türk  biznes-forumu baş tutacaq.

Bu səfərin Türkiyədə hərbi çevrilişə cəhddən sonra Ərdoğanın ilk  rəsmi səfəri olacağı gözlənilir.

Bu arada Ərdoğanın belaruslu həmkarı Aleksandr Lukaşenko regionda gedən proseslərdən narahatdır və bununla bağlı Belarusda xüsusi tədbirlərin görülməsinə dair tapşırıq verib. Bu gün milli təhlükəsizlik naziri Valeri Vakulçiklə görüşən prezident nazirə tapşırıq verib ki, ölkədə sabitliyi nəyin bahasına olur-olsun saxlasın.

"Məni Belarus ətrafındakı vəziyyət narahat etməyə bilməz. Şükür Allah ki, biz neqativ halların qarşısını ala bilirik.  Amma Ukraynada baş verənlər və NATO-nun son qərarları... Türkiyədə, Ermənistanda, Qazaxıstanda problemlər var... Vəziyyət çox çətindir. Biz nəyin bahasına olur-olsun ölkədə sabitliyi saxlamağı bacarmalıyıq" - BELTA agentliyi Lukaşenkonun sözlərindən sitat  gətirir.

Aleksandr Lukaşenko - Belarus prezidenti
Aleksandr Lukaşenko - Belarus prezidenti
 

Şərhlər