Kerri və Lavrov Moskvada Qarabağı müzakirə etdi

Rusiyanın xarici işlər naziri Sergey Lavrov və ABŞ-ın dövlət katibi Con Kerri arasında görüş zamanı Dağlıq Qarabağ münaqişəsi müzakirə edilib.

ANS PRESS-in məlumatına görə, münaqişənin həllinə  Con Kerrinin Moskva səfəri zamanı toxunulub.

Putin Kerri ilə münaqişələrin həllindən danışdı

Tərəflər, həmçinin Suriya, Ukrayna  münaqişələri və  iki ölkə arasında münasibətlər müzakirə edilib.

"Siz bu yaxınlarda  İsraildə  səfərdə olmusunuz. Ona görə məhsuldar danışıqların olacağına ümid edirik”, - deyə Lavrov  Kerri ilə mətbuat konfransında bildirib.

Moskvada Kerrini bir gün əvvəl prezident Vladimir Putin qəbul edib.

V.Putin münaqişələrin nizamlanmasında Rusiya Federasiyası və ABŞ-ın qarşılıqlı səylərini qeyd edib. Ölkə rəsmiləri görüş zamanı Dağlıq Qarabağ münaqişəsini müzakirə etməyiblər.

Lakin daha əvvəl Kerri və Putinin Dağlıq Qarabağ münaqişəsini müzakirə edəcəyi barədə məlumat yayılmışdı.