Ramil Usubov ANS TV-yə "Formula 1"də təhlükəsizlik barədə danışdı

“Təhlükəsizliyin təmin edilməsi üçün bütün Bakı qarnizonu cəlb edilib”.
Ramil Usubov - Daxili işlər naziri
Ramil Usubov - Daxili işlər naziri

İyunun 15-dən Azərbaycan polisi gücləndirilmiş iş rejiminə keçib.

Bu barədə ANS TV-nin efirində daxili işlər naziri Ramil Usubov bildirib.

Onun sözlərinə görə,  məqsəd Bakıda keçiriləcək "Formula 1" yarışlarında təhlükəsizliyin təmin edilməsidir:

"Yarışın özündə təhlükəsizliyin təmin edilməsi üçün 3 minə yaxın daxili işlər əməkdaşı cəlb edilib. Bu 3 min adam yarış zonasında olacaq. Amma paytaxtda yarış günlərində təhlükəsizliyin təmin edilməsi üçün bütün Bakı qarnizonu cəlb edilib".  

Ramil Usubovun sözlərinə görə, həmin əməkdaşların bir hissəsi xüsusi geyimdə olacaq. Konkret olaraq minə yaxın əməkdaş xüsusi zirehli jiletlər geyinəcək, fərqləndirici geyimdə olacaq.    

Daxili işlər naziri “Formula 1” yarışlarına tamaşa etmək üçün gələcək vətəndaşlara tövsiyələr də edib:

“Tamaşa meydançalarına kəsici-deşici alətlər, tez alışan vasitələr, vətəndaşlara xəsarət yetirə biləcək bərk maddələr gətirmək olmaz. Kiçik butılkalarda su və şirə gətirmək olar, amma onların qabı şüşədən ola bilməz, plastik qablarda ola bilər”. 

Ramil Usubov Formula - 1 günlərində təhlükəsizlik tədbirləri barədə