Mövlud Çavuşoğlu Qarabağa görə Bakıya gəlir

XİN rəsmisinin Azərbaycana səfəri bu gün başlayacaq.
Mövlud Çavuşoğlu  - Türkiyənin xarici işlər naziri
Mövlud Çavuşoğlu - Türkiyənin xarici işlər naziri

Türkiyə Xarici işlər naziri Mövlud Çavuşoğlu  14-15 iyul tarixlərində Bakıya rəsmi səfər edəcək. ANS PRESS-in məlumatına görə, bu barədə Türkiyə XİN-in rəsmi məlumatında deyilir. Məlumata görə, Çavuşoğlu Azərbaycan XİN başçısı Elmar Məmmədyarovun dəvəti ilə Bakıya gələcək.

Çavuşoğlunun Bakıda azərbaycanlı həmkarı Elmar Məmmədyarovla görüşü baş tutatcaq. XİN rəhbərlərinin Dağlıq Qarabağ münaqişəsinin həlli yollarını və regionda və dünyada  vəziyyəti müzakirə edəcəkləri planlaşdırılıb. Türkiyə XİN-i qeyd edirki Çavuşoğlunu Azərbaycan prezidenti İlham Əliyevin də qəbul edəcəyi gözlənilir.

Mövlud Çavuşoğlu və Elmar Məmmədyarov
Mövlud Çavuşoğlu və Elmar Məmmədyarov

Türkiyə XİN başçısının Azərbaycana sonuncu səfiri Bakıda keçirilən BMT Sivilizasiyalar Alyansının 7-ci Qlobal Forumu zamanı baş tutub. Son səfəri zamanı naziri prezident İlham Əliyev və Elmar Məmmədyarovla görüşüb.

 

Şərhlər