“Hesabat”ın qonağı gənclər və idman naziri Azad Rəhimov olub

Biletlərin 70%-ni yerli əhali, 30%-ni isə xarici vətəndaşlar alıb.
Azad Rəhimov-Gənclər və idman naziri
Azad Rəhimov-Gənclər və idman naziri

Formula 1” tərəfindən tərtib edilən müqavilədə nəzərdə tutulub ki, 5 il biz bu yarışı keçirməliyik. Əgər hansısa bir ildən sonra bu yarışı keçirməkdən imtina etsək 100 milyon dollaradək cərimələnə bilərik”.

Bu sözləri ANS TV-nin “Hesabat” verilişində Mir Şahinin suallarını cavablandıran gənclər və idman naziri Azad Rəhimov deyib.

Artıq yarışlara baxmaq üçün 2 milyon manatlıqdan çox biletin satıldığını söyləyən nazir biletlərin 70%-nin yerli əhali, 30%-nin isə xarici vətəndaşlar tərəfindən alındığını bildirib.

Çəkilən xərclərə toxunan Azad Rəhimov yarışlara sərf edilən üzvlük haqqının kommersiya sirri olduğunu, yalnız “Formula 1” rəhbərliyinin bu rəqəmləri açıqlayacağı təqdirdə söyləmək iqtidarında olduğunu qeyd edib. Onun sözlərinə görə, bu günə qədər asfalt örtüyünün dəyişilməsinə ölkəmiz 12 milyon manat sərf edib. “Formula 1”in əməliyyat şirkətinin büdcəsinin isə 100 milyon manatı aşmayacaq.

Azad Rəhimov ölkəmizdə insanların “Formula 1” yarışlarına münasibətindən danışarkən bildirib ki, bu, spesifik idman növüdür: "Onun xüsusi azarkeşləri var. Bu yarışları izləmək üçün bütün dünyanı gəzirlər. Azərbaycanda isə əksinə çox az adam tapılar ki, bu idman növü ilə dərindən tanış olmuş olsun. Bu mədəniyyət ölkəmizdə sıfırdan yaranmalıdır. Bu idman növü opera-balet kimi bir şeydir - ya sevirsən, ya da sevmirsən”.

Azad Rəhimov "Hesabat" verilişində Mir Şahinin suallarını cavablandırıb
Azad Rəhimov "Hesabat" verilişində Mir Şahinin sualarını cavablandırıb