Prezident Dubay şeyxi ilə görüşdü (FOTO)

Görüşdə iki ölkə arasında əməkdaşlığın daha da genişləndirilməsi vurğulanıb.
Birləşmiş Ərəb Əmirliklərində rəsmi səfərdə olan prezident İlham Əliyev həmin ölkənin vitse-prezidenti və baş naziri, Dubayın əmiri Şeyx Məhəmməd bin-Rəşid Əl-Maktumla görüşüb.

ANS PRESS-in məlumatına görə, Şeyxin iqamətgahında baş tutan Məhəmməd bin-Rəşid Əl-Maktumun yeganə varisi Şeyx Həmdan bin Raşid Əl Maktum da iştirak edib.

Dubay əmiri prezident İlham Əliyevə BƏƏ-nin Marsdakı missiyası ilə bağlı nəşr etdirdiyi kitabını hədiyyə edib.

Regional və beynəlxalq məsələlərlə bağlı bir sıra mövzuların müzakirə edildiyi görüşdə iki ölkə arasında əməkdaşlığın daha da genişləndirilməsi vurğulanıb.

Azərbaycan və BƏƏ arasında dəniz nəqliyyatı sahəsində institusional əməkdaşlıq və ölkələr arasında informasiya və kommunikasiya texnologiyaları üzrə anlaşma memorandumu imzalanıb.



İlham Əliyev fevralın 1-də Birləşmiş Ərəb Əmirliklərinə rəsmi səfər edib. Prezident əvvəlcə Abu Dabidə bir sıra görüşlər həyata keçirib, daha sonra isə Dubaya səfərə gəlib. İlham Əliyev Abu Dabidə Şeyx Zayed məscidi kompleksini ziyarət edib, Dubayda isə məşhur “Bürc-Xəlifə” binası ilə tanış olub. Prezidentin səfəri davam edir.