Bu gün saat 19.30 radələrində Bakı-Quba yolunun 108-ci kilometrliyində, Dəvəçi rayonun Ağbaş kəndi ərazisində ölmülə nəticələnən yol qəzası baş verib. ANS PRESS-in bölgə müxbirinin verdiyi məlumata görə, «Akkord» şirkətlər qrupuna məxsus olan və Qaradağ rayonunun Lökbatan qəsəbəsi sakini 52 yaşlı Sədrəddin Niyazi oğlu Məmmədovun idarə etdiyi «Ford» markalı yük maşını ilə Ağcabədi rayon sakini, 66 yaşlı Zülfü Əmir oğlu Quliyevin idarə etdiyi VAZ 2104 markalı avtomobil toqquşub. «Ford» Quba istiqamətində, VAZ 2104 isə əks istiqamətdə hərəkət edirmiş. Toqquşma nəticəsində Zülfü Quliyev həlak olub.
Dəvəçi rayon Polis Şöbəsinin müstəntiqi Aqil Quliyev ANS PRESS-ə bildirib ki, hələlik hadisənin baş vermə səbəbləri ilə bağlı heç bir versiya mövcud deyil. Bu barədə dəqiq məlumat avtotexniki ekspertizadan sonra olacaq. Faktla bağlı Cinayət Məcəlləsinin 263.2 maddəsi ilə cinayət işi başlanıb. /ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.