Bu gündən etibarən «Azərbaycan hava yolları» Qapalı Səhmdar Cəmiyyəti Fransa istehsalı olan «ATR» tipli təyyarələrlə Bakı-Naxçıvan-Bakı marşrutu üzrə yeni sərnişin aviareyslərini həyata keçirməyə başlayacaq.

AZAL-ın mətbuat xidmətinin rəhbəri Məhərrəm Səfərlinin ANS TV-yə verdiyi məlumata görə, bununla da Bakı-Naxçıvan reysləri gündə 6 dəfə deyil, 7 dəfə yerinə yetiriləcək. Qeyd edək ki, hazırda AZAL ölkə daxilində Bakı-Gəncə və Bakı-Zaqatala sərnişin reyslərini həyata keçirir. Yaxın günlərdə isə Bakı-Lənkəran reysinin açılması nəzərdə tutulub. /ANS TV/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.