Turks və Caicos adaları Ayk qasırğasının zərbələrinə məruz qalıb. Turks and Caicos Adaları baş naziri Maykl Misik qasırğanın Grand Turk adasındakı evlərin yüzdə 80-nə zərər verdiyini açıqlayıb. Xalqın qorunmaq üçün evlərindəki şkaflara və ya nərdivan altına saxlandığını izah edən baş nazir, «Həyatda qalmağa çalılışırlar, ciddi olaraq çox pis zərbə alıblar»,- deyə qasırğanın təsirini izah etməyə çalışıb.

Ayk qasırğası son üç həftə ərzində regionda hökmranlıq edən dördüncü böyük qasırğadır. Hazırda 4-cü kateqoriyaya aid edilən Ayk saatda 215 kilomter sürətlə arxipelaqı «caynağına» alıb.

Qasırğa növbəti günlər ərzində Haitinin şimalından keçərək 30 santimetr yağışla Kuba və Bahama adalarına doğru hərəkət edəcək.  /ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.