Əfqanıstanın ikinci ən böyük şəhəri Qəndaharda polis departamentində partlayış baş verib. İki kamikadzenin törətdiyi partlayış nəticəsində ən azı 2 polis əməkdaşı ölüb, 37 nəfər yaralınıb. İlkin məlumatlara əsasən, əsas hədəf - ölkənin Sərhəd Polis Qərargahının rəisi  Əbdul Raziq olub. O, partlayış nəticəsində bədən xəsarəti alıb.

Qəndahar şəhərinin qubernatoru  bəyan edib ki, insident zamanı ölənlər polis əməkdaşlarıdır. Yaralılardan 29-u da polis, səkkizi isə mülki şəxsdir. Partlayışa görə məsuliyyəti heç bir qruplaşma öz üzərinə götürməsə də, terror aksiyasında Taliban hərəkatının üzvləri şübhəli bilinir. /ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.