Xarici işlər nazirinin müavini Araz Əzimovun başçılıq etdiyi nümayəndə heyəti avqustun 25-dən Əfqanıstanda səfərdədir. AzərTAc-ın məlumatına görə, avqustun 28-dək davam edəcək səfərdə məqsəd dost ölkə ilə əlaqələrin möhkəmləndirilməsidir.

Araz Əzimov Əfqanıstana səfərinin ilk günü hərbi hissədə əsgərlərimizin xidmət və yaşayış şəraiti ilə tanış olub, onların arzu və istəklərini öyrənib. Nazir müavini əsgərlərimizin xidmət etdiyi Kabul bölgə komandanı general M.Stollsteiner ilə də görüşüb.
Həmin gün A.Əzimovun Əfqanıstanın xarici işlər naziri Rəngin Dadfər Spanta və daxili işlər naziri Zərar Əhməd Moqbel ilə görüşlərində tərəfləri maraqlandıran bir çox mühüm məsələlər müzakirə edilib. Səfər çərçivəsində Azərbaycan nümayəndə heyəti Əfqanıstan parlamentinin sədri Yünus Qanuni ilə görüşəcək./ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.