Dünən Rusiyanın Volqoqrad vilayətində kafelərdən birində vəhşicəsində öldürülmüş Azərbaycan vətəndaşının meyiti tapılıb. V1.ru-nun məlumatına görə, Volqoqradın Krasnooktyabrsk rayonunun prokurorunun köməkçisi Arman Cumakayev bildirib ki, 36 yaşlı Azərbaycan vətəndaşının qana bulanmış meyiti səhər saat 04.00 radələrində aşkar edilib. Kafe əməkdaşları dərhal milisə xəbər veriblər.
Milis əməkdaşlarının sözlərinə görə, mərhum döş, boğaz və üz nahiyəsindən ona yaxın bıçaq yarası alıb. Qətl hadisəinin necə baş verməsi hələ ki, bilinmir.
Hazırda cinayət axtarış idarəsinin əməliyyatçıları kafe işçilərini dindirirlər.
Qeyd edək ki, bu, Krasnooktyabrsk rayonunda Azərbaycan vətəndaşının öldürülməsi ilə baş verən ikinci qətl hadisəsidir. Avqustun 11-də çoxsaylı şahidlərin qarşısında naməlum şəxslər tərəfindən daha bir azərbaycanlı-Məmməd Əhmədiyev öldürülmüşdü. Bu qətlin üstü hələ də açılmayıb. /ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.