Gürcüstandakı Dövlət Neft Şirkətinə məxsus  Kulevi terminalı bu ölkədə baş verən hadisələrə baxmayaraq, normal rejimdə fəaliyyət göstərir. SOCAR Georgian şirkətinin baş direktoru Mahir Məmmədovun ANS TV-yə verdiyi məlumata görə, sonuncu dəfə avqustun 20 -də Kulevi terminalından 35 min tonluq tanker neftlə yüklənərəq, Avropa istiqamətinə göndərilib.

“Söyləmək istədim ki, müharibənin ilk günlərindən Dövlət Neft Şirkətinin Gürcüstan strukturları öz işini tam şəkildə davam etdirib. Bununla belə, hadisəyə qədər Kulevi terminalı öz adi iş rejimində işləyirdi. Malları qəbul edirdi və tankerləri yola salırdı. Ayın 11-də  təxminən yük götürmə qabiliyyəti 6 min olan 1 tanker yola salınmışdı, hazırda 35 minlik tanker gəlib və doldurulur.  Ehtiyatda olan mal kifayət qədərdir və 100 min tondandan çoxdur. Terminalda Dövlət Neft Şirkətinin kollektivi işləyir. Ancaq Azərbaycan tərəfdən yüklərin gəlməsi dayandırılıb və belə ümid edirik ki, yaxın günlərdə bərpa olunacaq. Bizim bütün yanacaqdoldurma məntəqələrimiz öz adi iş rejimində, hətta deyərdim ki, gücləndirilmiş iş rejimində işləyir”, deyə M Məmmədov bildirib. /ANS TV/   

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.