Avqustun 20-də saat 18.00 radələrində Siyəzən şəhərində Səttar Bəhlulzadə küçəsində Siyəzən rayon sakini Hikmət Məcid oğlu Həsənov idarə etdiyi “VAZ 2106” markalı avtomobillə yolu keçmək istəyən 13 yaşlı Nərmin Nüsrət qızı Müslümova, 3 yaşlı Pəri Nüsrət qızı Müslümova və 15 yaşlı Bəyiş İlham oğlu Quliyevi vurub. Nəticədə hər üç xəsarət almış piyada Siyəzən Regional Diaqnostika Mərkəzinə aparılıblar. Siyəzən rayon polis şöbəsinin müstəntiqi Xaləddin Fətəliyevin ANS PRESS-ə verdiyi məlumata görə, 3 yaşlı Pəri Müslümovanın həyatını xilas etmək mümkün olmayıb. Digər xəsarət alanlar isə müalicə olunurlar.
Qeyd edək ki, hadisə zamanı yolun kənarında saxlanmış 2 “Opel Vectra” və 1 “VAZ 2107” markalı avtomobil də zərər çəkib. 
Faktla bağlı Cinayət Məcəlləsinin 263.2 maddəsi ilə cinayət işi açılıb. İlkin versiyaya görə, avtomobil nasaz olub və əyləci işləməyib. /ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.