Rusiyaya məxsus təyyarələr Gürcüstanın Cənubi Osetiyada yerləşən mövqelərini bombalamağa başlayıblar. Bu barədə məlumatı yerli mətbuat yayıb. Zərbələr nəticəsində beş gürcü hərbiçisi yaralanıb. Ölənlər barədə məlumat yoxdur.
«Rustavi-2»nin məlumatına görə, Rusiya Su-24 bombardımançı və Su-27 qırıcı təyyarələrindən istifadə edir. Telekanalın məlumatına görə, təyyarələrdən biri vurulub.
«Regnum»un məlumatına görə, Tsixinvali səması tamamilə rus hərbi hava qüvvələrinin nəzarəti altındadır.
Cənubi Osetiyaya Roksk tunetindən rusiya tanklarının keçdiyi də bildirilir. Onlar Tsixinvalinin yaxınlığına çatıblar. /ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.