Çinin şimal-qərbində yerləşən Stinxay əyalətində məscid uçub. Nəticədə səkkiz nəfər ölüb. Ölənlərdən biri azyaşlı uşaqdır. Daha 23 nəfər isə yaralanıb. Onlardan üçünün vəziyyəti ağırdır. Hələlik xilasedicilər işlərini başa çatdırmadıqları üçün  tələfat barədə dəqiq məlumat vermək mümkün deyil. Lakin onlar ölənlərin sayının artacağını istisna etmirlər.
Qeyd edək ki, hadisə iyulun 24-də saat 17 radələrində baş verib. İlkin ehtimala görə, uçquna səbəb - qonşu Siçuan və Şensi əyalətlərində baş verən zəlzələlər olub. /ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.