2008-ci il 5 və 18 iyun tarixlərində Azərbaycan Respublikasının Prezidenti yanında Dövlət Qulluğu Məsələləri üzrə Komissiya 13 dövlət orqanında inzibati vəzifələrin altıncı - doqquzuncu təsnifatlarına uyğun olan 168 vakant dövlət qulluğu vəzifəsinin tutulması üçün etdiyi müsahibə başa çatıb. Bu haqda ANS PRESS-ə Azərbaycan Respublikası Prezident yanında Dövlət Qulluğu Məsələləi üzrə Komissiyanın sədri Bəhram Xəlilov verib. Onun sözlərinə görə, müsahibədə iştirak etmək üçün 130 namizəd qeydə alınıb. Onlardan 25-i qadın, 105-i isə kişi olub.
Qeydiyyatdan keçmiş 130 namizəddən 9-u qadın olmaqla 54 nəfər müsahibəni uğurla başa vurub və müvafiq vəzifələrə təyin olunmaq üçün dövlət orqanlarının rəhbərinə təqdim edilib.
«Müsahibənin yekununa görə, ən çox vakant vəzifə çıxaran dövlət qurumu - Əmək və Əhalinin Sosial Müdafiəsi Nazirliyi (168 vakant dövlət qulluğu vəzifəsindən 83-ü (49,4%)), ən çox namizəd keçən dövlət qurumu - İqtisadi inkişaf Nazirliyidir (qeydiyyatdan keçmiş 130 namizəddən 14-ü (10,77%). Heç bir namizədin qeydə alınmadığı dövlət qurumu - Sənaye və Energetika Nazirliyidir (müsabiqəyə 1 vakant vəzifə çıxarılıb)».

Gülnaz Qənbərli \ANS PRESS\

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.