Bu gün Nəqliyyat Nazirliyinin ağır texnikası Quba rayonu, Xınalıq yolunda baş verən sürüşmə ərazsində işə başlayacaq. Bu barədə məlumatı ANS PREES-in bölgə müxbirinə Quba rayon icra baçısı Rauf Həbibov verib. Onun sözlərinə görə, texnika hadisə yerinə dünən axşam saatlarından gətirilib. Lakin gecə işləmək təhlükəli olduğundan işə başlanılmayıb. Xatırladaq ki, Xınalıq yolunun uçmasına səbəb - son zamanlar yağan intensiv yağışlar nəticəsində yaxınlıqdakı şəlalənin məcrasını dəyişməsi olub. Belə ki, suyun təsirindən böyük qaya parcaları sürüşərək nəqliyyat vasitəlrinin yolunu bağlayıblar. Nəticədə bir neçə kənd ilə nəqliyyat əlaqəsi kəsilib. /ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.