Ermənistan müxalifətinin lideri Levon Ter-Petrosyan tərəfdarlarının Qədim Əlyazmalar İnstitutunun qarşısındakı Matendaran meydanında keçirilən mitinqində ölkə prezidenti Serj Sarkisyana ultimatum göndərib. Ter-Petrosyan bildirib ki, əgər irəli sürülən tələblər yerinə yetirilməsə, avqustun 1-də keçirilməsi planlaşdırılan ümumrespublika mitinqində müxalifət Serj Sarkisyanın təcili istefasını və növədənkənar prezident seçkisinin keçirilməsini tələb edəcək. "Avqustun 1-nə kimi Sarkisyan bütün siyasi məhbusları azad etməli, müxalifət tərəfdarlarına, o cümlədən sahibkarlara qarşı polis və vergi terrorunun qarşısını almaq üçün addımlar atmalıdır. Bizim ultimatumlarımız arasında 1 mart hadisələrinin təşkilatçılarının, eləcə də Ermənistanın eks prezidenti Robert Koçaryanın tez bir zamanda məsuliyyətə cəlb edilməsi tələbi də var".
Bundan əlavə müxalifət həmçinin baş nazirin müavini Armen Qevorkyanın, prezident adminstarsiyasının rəhbəri Ovik Abramyanın, baş prokuror Avqan Ovsepyanın, milli təhlükəsizlik xidmətinin rəisi Qorik Akopyanın və İctimai Teleradio Şurasının rəhbəri Alekan Arutyanın istefasını tələb edib. /ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.