Ermənistanın futbol arbitrının iki köməkçisi - Artur İqityan və Arman Yeritsyan Ölkənin Futbol Federasiyasından ömürlük qovulub. Səbəb - hər iki şəxsin Kiprin Limasol şəhərindəki marketlərindən birindən oğurluq etməsidir. Ermənistanın Futbol Federasiyasının yaydığı məlumata əsasən, bu il iyunun 28-də, İntertoto kuboku çərçivəsində Kiprin «Etnikos Axnas» və Albaniyanın «Besa» komandaları arasında keçirilən oyun zamanı Limasoldakı böyük mağazalardan birində oğurluq qeydə alınıb. Araşdırmalar və mağazadakı kameraların lent yazılarını tədqiq etdikdən sonra məlum olub ki, oğurluq edənlər - alban və Kipr komandalarında Karen Nalbandyanın rəhbərlik etdiyi arbitrlər qrupuna daxil olan Yeritsyan və İqityan olub.

Bu hadisədən utanan Ermənistan Futbol Federasiyasının hər iki şəxsdən izahat tələb edib. Sonuncular da öz növbəsində oğurluq etdiklərini boyunlarına alıb.

Famagusta-gazettenin yaydığı məlumata əsasən, bu, erməni futbolçuları tərəfindən qeydə alınan ilk oğurluq hadisəsi deyil. Belə ki, bu ilin fevral ayında Oroklini şəhərində erməni futbolçusu yol kənarında dayanmış maşından dəyəri 1000 avro olan mobil telefon oğurlayıb. 29 yaşlı oğru Kiprdə komanda məşqlərində iştirak edirmiş. Bu oğrunu da kameraların videoyazısının köməyilə yaxalamaq mümkün olub.
Aytən Səfərova /ANS Press/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.