Bu gün xarici işlər nazir Elmar Məmmədyarov Fransanın Azərbaycana yeni təyin olunmuş səfiri Qabriel Kellerin etimadnaməsinin surətini qəbul edib. XİN-in mətbuat xidmətinin məlumatına görə, nazir E. Məmmədyarov Fransa ilə Azərbaycan arasında mövcud olan münasibətləri yüksək qiymətləndirib, ikitərəfli əlaqələrin inkişafı üçün böyük imkanların olduğunu vurğulayıb.
Q. Keller ölkəsinin Avropa İttifaqının yeni prezidenti kimi Fransanın ölkəmizlə münasibətlərə xüsusi önəm verəcəyini və ATƏT Minsk Qrupunun həmsədr ölkəsi kimi Ermənistan-Azərbaycan Dağlıq Qarabağ münqişəsinin həllində səylərini əsirgəməyəcəyini qeyd edib.

/ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.