Supermodel Naomi Kempbellə London məhkəməsində 200 saat ictimai iş görmək cəzası verilib. Bundan əlavə, Naomi 2700 funt sterlinq (5330 ABŞ dolları) məbləğində cərimə də ödəməli olacaq.
38 yaşlı Naominin cəzalandırılmasına səbəb isə bu ilin aprelin 3-də Londonda Hitrou hava limanında baqajının itməsinə əsəbləşərək, pilotu “millətçi” adlandıraraq təyyarə ekipajını təhqir etməsi və ona yaxınlaşan polislərə hücum çəkməsi olub. Dünən keçirilən məhkəmədə Kempbell günahını boynuna alıb.
Xatırladaq ki, 2007-ci ildə də buna oxşar hadisə törətdiyinə görə cəzalanan model Nyu- York şəhərindəki anbarlardan birinin döşəməsini silməyə məcbur qalmışdı. /ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.