Yaxın üç gün ərzində ölkə ərazisində kəskin hava dəyişikliyi gözlənilmir. Ekologiya və Təbii Sərvətlər Nazirliyinin Milli Hidrometerologiya Departamentinin Hidrometeroloji Proqnozlar bürosundan ANS PRESS-ə verilən məlumata görə, dekabrın 23-də respublika ərazisində əsasən yağmursuz hava şəraiti gözlənilir. Gecə və səhər bəzi yerlərdə duman, şərq rayon çiskinli, yağıntılı olacağı gözlənilir. Şərq küləyi əsəcək. Temperatur gündüz 6-9 dərəcə isti, gecə 0-4 dərəcə isti olacaq. Dağlarda gündüz 3-8 dərəcə isti, gecə 4-9 dərəcə şaxta gözlənilir.
Bakıda və Abşeron yarımadasında gecə və səhər bəzi yerlərdə yağıntı ehtimalı var. Gündüz əsasən yağmursuz olacaq, cənub küləyi əsəcək, arabir nisbətən güclənəcək. Havanın temperaturu gündüz 5-8 dərəcə , gecə 1-4 dərəcə isti olacağı ehtimal edilir.

Dekabrın 24-25-də ölkə ərazisində gecə və səhər saatlarında bəzi yerlərdə duman olacağı, şərq rayonlarında isə yağış yağacağı  gözlənilir. Ayın 25-də axşam qərb rayonlarında yağıntı olacağı güman edilir. Qərb küləyi əsəcək, gündüz ayrı-ayrı yerlərdə arabir güclənəcək. Temperatur gündüz 8-12 dərəcə isti, gecə 0-5 dərəcə isti olacaq. Dağlarda gündüz 0-5 dərəcə isti, gündüz 2-7 dərəcə şaxta olacağı ehtimalı var.
Bakıda və Abşeron yarımadasında ayın 24-nə dəyişkən buludlu hava gözlənir. Gecə və səhər bəzi yerlərdə duman olacaq, cənub küləyi əsəcək, gündüz arabir nisbətən güclənəcək. Gündüz 10-12 dərəcə, gecə 1-4 dərəcə isti gözlənilir. Ayın 25-də havanın dəyişkən buludlu, əsasən yağmursuz olacağı, səhər bəzi yerlərdə zəif duman olacağı ehtimal edilir. Cənub-qərb küləyi əsəcək, arabir nisbətən güclənəcək, günün ikinci yarısında şimal-qərb küləyinə keçəcək və külək axşam arabir güclənəcək. Temperatur gündüz 10-12 dərəcə, gecə isə 1-4 dərəcə isti olacaq. Bu gün isə Bakıda və Abşeron yarımadasında gün ərzində hava tutqun olacaq, fasilələrlə yağış yağacaq, şərq küləyi əsəcək.

Bu gün- dekabrın 22-də qış girir. Ötən sutka ərzində Bakı və Abşeron yarımadasında havanın maksimal temperaturu 4 dərəcə isti, minimal temperaturu isə 2-4 dərəcə isti olub. Son 110 il ərzində Azərbaycan ərazisində qışın ilk günü ən maksimal temperatur 1923-cü ildə qeydə alınıb. Həmin gün havanın temperaturu 19,1 dərəcə olub. Ən minimal temperatur isə 1905-ci ildə qeydə alınıb və həmin gün havanın temperaturu 2-4 dərəcə isti olub.

 Dekabrın 31-i və 2009-cu il yanvarın 1-də ölkə ərizsində qar yağmayacağı ehtimal olunur. Həmçinin, havanın mülayim və temperaturun yüksək olacağı gözlənilir. Dekabrın 28-29-da isə havanın küləkli olacağı, yağış yağacağı ehtimalı var.

Röya Rəfiyeva /ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.