Sədərək Ticarət Mərkəzinin Şirniyyat bazarı adlanan ərazisində bu gün səhər başlayan yanğın nəzarətə götürülüb. ANS PRESS-in məlumatına görə, yanğından mühafizə idarəsinin əməkdaşları artıq yanğının əsas hissəsini söndürə biliblər. Hadisə nəticəsində yaralanan 4 yanğınsöndürən isə 3 saylı şəhər xəstəxanasına çatdırılıb. Onların vəziyyətləri stabildir və sabah evə buraxılacaqlar.
Hadisə yerində olan fövqəladə hallar nazirinin müavini Etibar Mirzəyev yanğının səhər saat 11:27-də başladığını bildirib. Onun sözlərinə görə, hadisə nəticəsində 1200-1400 kvadrat metrə yaxın ərazidə yerləşən 30-dan artıq dükan  yanıb. Dörüncü dərəcəli yanğını söndürmək üçün hadisə yerinə 20-yə yaxın yanğınsöndürən və 4 helikopter cəlb edilib. /ANS PRESS/

Sədərək Ticarət Mərkəzindəki yanğında bir yanğınsöndürən xəsarət alıb

Sədərək Ticarət Mərkəzindəki şirniyyat bazarı yanır

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.