Vladivostokda xarici maşınlara qoyulan gömrük rüsumunun artırılmasına etiraz edən sanksiyalaşdırlımamış mitinq iştirakçıları ilə milis arasında toqquşma baş verib. Şəhərdə ictimai nəqliyyatın dayanacağında hər iki hərəkət istiqamətində aksiyanın qeyri - rəsmi simvolu olan qara letlər bağlanmış avtomaşınlarla keçid edilib.
Etirazçılar yalnız iqtisadi yox, «hökumət istefaya» «Putin sadə adamlarla yox, oliqarxlarla mübarizə apar» kimi siyasi şüarlar da səsləndiriblər.
Şəhərin mərkəzi meydanına isə bu vaxt 600-ə yaxın insan toplaşıb. Meydanda qurulmuş yeni il yolkasının ətrafına toplaşanlar xalq gəzintisi görüntüsü yaratmağa çalışıblar. Ancaq polis əməkdaşları və əraziyə gələn OMON-çular mərasimi dağıdıb. Toplaşanları mühasirəyə alan asayiş keşikçiləri 200 nəfəri həbs ediblər. Saxlananlar arasında jurnalistlər və fotoqraflar da var. Sənədlərin yoxlanmasında sonra media nümayəndələrinin çoxu sərbəst buraxılsada, onların özlərin və avadanlıqlarının ciddi zərər gördüyü bildirilir.
Vladivostokun mərkəzi meydanıda təmizləmə əməliyyatı başa çatdıqdan sonra meydan milis və OMON əməkdaşları tərəfindən mühasirəyə alınıb.
Etiraz aksiyalarının davam edəcəyi bildirilir. Növbəti aksiya kimi mərkəzi federal avtomobil yolunun kəsilməsi planlaşdırılır.
Xatırladaq ki, Vladivostokda etiraz aksiyaları artıq bir neçə gündür ki davam edir. Xarici minik və yük maşınlarının ölkəyə gətirilməsinə görə gömrük rüsumlarının artırılmasını nəzərdə tutan sərəncam gələn il yanvarın 12 -də qüvvəyə minəcək./ANS TV/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.