Futbol üzrə İtaliya çempionatının lideri “İnter” çempionatın 17-ci turunda səfərdə “Siena” klubu ilə qarşılaşıb. Son turlarda məğlubiyyət üzü görməyən Joze Mauriniyonun yetirmələri, öz meydanında uğurlu nəticələr əldə edən “Siena” qarşısında 34-cü dəqiqədə Maikonun qolu ilə 0-1 önə keçir. Birinci hissənin son dəqiqəsində Karja hesabı bərabərləşdirir 1-1. Hamı “İnter”in 7 matçlık qələbə seriyasının qırılacağını düşündüyü anda yenə Maikon fərqlənir 1-2. Matç “İnter”in 2-1 hesablı qələbəsi ilə başa çatır. Bu qələbədən sonra xallarını 42-yə yüksəldən “İnter” “Yuventus”la xal fərqini 9-a çatdırdı. Günün digər matçında "Latsio" öz meydanında "Palermo"nu 1-0 hesabı ilə məğlub edib.

Siena [1 - 2] İnter
34' [0 - 1] Maikon
44' [1 - 1] Karja
83' [1 - 2] Maikon

Futbol üzrə İtaliya çempionatında bu gün keçiriləcək qarşılaşmaların təqvimi belədir:

21 Dekabr
Atalanta – Yuventus
Kalyari – Reccina
Katania – Roma
Kievo – Cenoa
Lecce – Bolonia
Sampdoria – Fiorentina
Torino – Napoli
Milan – Udineze
/ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.