Bu gün Moskvada «Prajskaya» metrosu yaxınlığındakı yarmarkada partlayış baş verib. ANS PRESS, Rusiya informasiya agentliklərinə istinadən xəbər verir ki, Moskvanın qərbində baş vermiş hadisə nəticəsində 9 nəfər xəsarət alıb. Onların şəxsiyyəti və xəsarətlərinin dərəcəsi barədə heç bir məlumat verilməyib. Yalnız o məlumdur ki, zərərçəkənlərdən biri işaqdır. İlkin məlumatlara görə, yarmarkada 100-200 qram trotil gücündə partlayıcı qurğu işə düşüb. Bəzi məlumatla görə, partlatış geyim və pirotexnika məhsullarının satıldığı obyektdə baş verib. Partlayış Bakı vaxtı ilə saat 16.30-da qeydə alınıb. Hadisə yerinə şəhərin operativ xidmətlərinin briqadaları göndərilib.
Ümumrusiya Azərbaycanlıları Konqresi hazırda hadisə nəticəsində xəsarət alanlar arasında azərbaycanlıların olub-olmadığını dəqiqləşdirmə aparıb. ÜAK-ın icraçı direktoru Eldar Quliyev ANS PRESS-ə bildirib ki, partlayış nəticəsində xasarət alanlar arasında azərbaycanlı yoxdur: "Biz bazardakı azərbaycanlılarla maraqlanmışıq. Onlar bildiriblər ki, partlayış bazarın içərisində yox, kənarda baş verib. Xəsarət alanlar isə alıcılardır"./ANS PRESS/

© 2008-2009 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.