Amerika Birləşmiş Ştatlar hökuməti ölkənin avtomobil istehsalı ilə məşğul olan şirkətlərinə 17 milyard dollardan çox vəsat ayıracaq. Prezidenti Corc Buş bununla bağlı plana artıq imza atıb. Ayrılacaq vəsaitə hökumət avtomobil şirkətlərinin səhmlərinin bir hissəsini əldə edəcək və avtomobil səneyesi qismən milliləşdiriləcək. «Bu vəsaitlər 2 istiqamətdə kömək edə biləcək. Birincisi, avtomobil şirkətləri 3 ay ərzində yenidənqurma planları hazırlamalıdırlar. İkincisi yenidənqurma iflasdan kənar olaraq həyata keçirilə bilməsə, bu borclar uzunmüddətli uğur üçün 11-ci maddəyə uyğun olaraq qanuni və maliyyə hazırlıqlarını görməyə kömək edəcək və alıcıları Amerika maşınlarını almaqda davam etmələrinə inandıracaq» - deyə Buş deyib.
Buş bildirib ki, artıq ciddi bir böhranın içində olan avtomobil sənayesinə kömək etməmək məsuliyyətsizlik olardı. Yeni seçilmiş prezident Barak Obama da Ağ Evin bu addımını yüksək qiymətləndirib. Rəsmilər bildirirlər ki,vəsaitin 13,4 milyardını bu ay və gələn ilin əvvəlində əldə etmək mümkün olacaq. 9,4 milyard dollar «Ceneral motors» şirkətinə, 4 milyard dollar isə «Kraysler» şirkətinə veriləcək.
Buşun sözlərinə görə, xilas paketindəki güzəştlər ötən həftə nümayəndələr palatası tərəfindən təsdiq olunan, lakin senatın rədd etdiyi planda öz əksini tapıb./ANS TV/

© 2008-2009 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.