Ağır Cinayətlərə Dair İşlər üzrə Məhkəmə, xalası oğlunu qətlə yetirməkdə təqsirləndirilən Bərdə rayon sakini Elmir Əmiraslanovun cinayət işini istintaqa qaytarıb. ANS PRESS-in məlumatına görə, bu barədə qərar hakim Ramella Allahverdiyevanın sədrliyi ilə keçirilən prosesdə verilib. Məhkəmənin qərarına əsasən E. Əmiraslanovun ittiham olunduğu Azərbaycan Cinayət Məcəlləsinin qəsdən adam öldürmə maddəsinin xuliqanlıq niyyəti ilə törədilməsi ilə əvəz edilməlidir.
Qeyd edək ki, qətl hadisəsi nərd oynayan zaman baş verib. Bu il avqustun 15-də Qozqurdalı kəndinin çayxanasında Elmir Əmiraslanov həmkəndlisi Ruslan Babayevlə nərd oynayıb. Oyun zaman həmkəndlilər arasında zər atma mübahisəsi yaranıb. Mübahisə zəminində Elmir Əmiraslanov özündə olan bıçaqla Ruslan Babayevi vurub. Ruslan Babayev Bərdə rayon Mərkəzi Xəstəxanasına çatdırılsa da, kəskin qan itirmədən ölüb.

Anar Məmmədov /ANS PRESS/

© 2008-2009 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.