İraq, jurnalistlərin fəaliyyəti üçün hələ də dünyanın ən təhlükəli ölkəsidir. Jurnalistlərin Müdafiə Komitəsinin bu gün yaydığı hesabatında belə deyilir.
İraq altıncı ildir ki, mətbuat nümayəndələri üçün ən təhlükəli ölkə hesab olunur. 2009-cu il ərzində burada 11 jurnalist öldürülüb. Onların əksəriyyəti yerli mətbuat nümayəndələridir. Bununla belə, hesabatda deyilir ki, İraqda vəziyyət sabitləşməyə doğru gedir və son üç il ərzində jurnalist ölümləri ilə bağlı göstərici yaxşılaşır. ABŞ qoşunlarının İraqa daxil olmasının ilk iki ili ərzində öldürülən jurnalistlərin sayı üç dəfə çox idi.
2008-ci ildə dünyada peşəkar fəaliyyəti ilə bağlı 41 jurnalist qətlə yetirilib. Daha 22 KİV işçisinin ölümü araşdırılır. Onların ölümünün işləri ilə bağlı olub-olmaması aydınlaşdırılır. /ANS PRESS/

© 2008-2009 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.