Rusiyanın Elista şəhərində təşkil edilən şahmat üzrə FİDE qran prisində dördüncü turun oyunları keçirilib. Bu tur komandamızın lideri Teymur Rəcəbov digər qrossmeysterimiz Şəhriyar Məmmədyarovla qarşılaşıb. Geridə qalan 3 turun hamısında heç-heçə edən Şəhriyar, Teymurla qarşılaşmadan da heç-heçə ilə ayrılıb.

4-cü turda erməni şahmatçısı Vladimir Akopyanla qarşılaşan Vüqar Həşimov da heç-heçə oynayıb. 4 turdan sonra Teymur Rəcəbov 3 xalla yarışın vahid lideridir. Aktivində 2,5 xalı olan Vüqar Həşimov rəqibləri ilə 2-4-cü yerləri bölüşdürür. Şəhriyar Məmmədyarov isə 2 xalla qran prinin 5-10-cu pilləsində qərarlaşıb. Turnirdə 5-ci turun görüşləri bu gün keçiriləcək. Teymur Rəcəbov Macarıstan şahmatçısı Peter Leko ilə, Şəhriyar Məmmədyarovun Rüstəm Qasımcanovla, Vüqar Həşimov isə rusiyalı Aleksandr Qrişukla qarşılaşacaq. /ANS TV/

© 2008-2009 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.