Dekabrın 21-də Belarusun Dövlət Filarmoniyasında bu ölkənin və Azərbaycanın tanınmış musiqiçilərinin iştirakı ilə “Hisslərin mifologiyasi” qala-konserti keçiriləcək. Konsert iki ölkə arasında diplomatik əlaqələrin qurulmasının 15-ci ildönümünə və Dünya Azərbaycanlılarının Həmrəyliyi gününə həsr olunub. Konsertdə Azərbaycanı beynəlxalq müsabiqələr laureatı, dirijor Əyyub Quliyev, xalq artisti, professor, tarzən Ramiz Quliyev, Belarusdan isə xalq artisti, dirijor Vyaçeslav Bortnovski, beynəlxalq müsabiqələr laureatı, pianoçu Pavel Netuk çıxış edəcək.
Azərbaycanın Minskdəki səfirliyinin və Belarus Dovlət Filarmoniyasının təşkilatçılığı ilə baş tutacaq konsertdə Belarusun Dövlət Akademik Simfonik orkestrinin ifasında görkəmli bəstəkarlar Q.Qarayevin, H.Xanməmmədovun, O.Soninin, eləcə də dunya klassikləri M.Qlinkanın, P.Çaykovskinin və K.Sen-Sansın əsərləri səsləndiriləcək./Azərtac/