Xorvatiyanın Zaqreb şəhərində 23 yaşadək cüdoçular arasında keçirilən Avropa çempionatında 66 kq çəki dərəcəsində mübarizə aparan Azərbaycan cüdoçusu Emil Həsənov yarımfinala çıxıb. E.Həsənov ilk görüşdə britaniyalı Aleks Paskeni, ikinci görüşdə ispaniyalı David Ramirezi, üçüncü görüşdə isə erməni cüdoçusu Hambardzum Tonoyanı məğlub edərək yarımfinala vəsiqə qazanıb. Yarımfinalda Polşa cüdoçusu Tomas Kovalski ilə qarşılaşan Emil 2-0 hesabı ilə məğlub olaraq finala çıxmaq şansını itirib. Lakin Emilin bürünc uğrunda mübarizə aparacağı gözlənilir. Onun rəqibi rumiyalı Georgi Fasyedan olacaq.

Avropa çempionatında 60 kq çəki dərəcəsində mübarizə aparan digər cüdoçumuz Samir Dadaşzadə isə ilk görüşündə almaniyalı Tobias Englmaierə məğlub olaraq mübarizəni dayandırıb. Qeyd edək ki, Azərbaycan Avropa çempionatında 5 kişi, 2 qadın cüdoçu ilə təmsil olunur.

Elvin Rəsul/ANS PRESS/

© 2008-2009 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.