«Rəsmi Bakı oktyabrın 15-də prezident seçkilərinin demokratik,  şəffaf  və ədalətli keçirilməsi üçün bütün imkanlarını  səfərbər edib». Bu bəyanatı Mərkəzi Seçki Komissiyasının  sədri Məzahir Pənahov MDB  müşhaidə missiyasının rəhbəri Sergey  Lebedevlə görüşündə deyib.  Görüşdə S.Lebedev  Bakı və Sumqayıt şəhərlərində səsverməyə hazırlıq prosesi ilə tanış olduğunu  və  monitorinq zamanı ciddi  qanun pozuntularına rast gəlmədiyini deyib.  Müşahidə missiyasının rəhbəri eyni zamanda  dairə və məntəqə seçki komissiyalarının  texniki avdanlıqla təchiz edilməsini  və komissiya üzvləri ilə treninqlərin keçirilməsini yüksək qiymətləndirib.

Qeyd edək ki, «Seçkilər» İnformasiya Mərkəzi prezident sekilərinə tam hazırdır.  Seçki günü səsvermənin gedişatı ilə bağlı məlumatların çatdırılmasının qrafiki  də dəqiqləşib.  MSK sədri  Məzahir Pənahovun ANS-ə verdiyi məlumata görə, əhali gün ərzində beş dəfə  səsvermənin gedişatı ilə bağlı  məlumatlandırılacaq. /ANS TV/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.