15 oktyabr prezident seçkilərində gözdən əlil şəxslərin səsverməsi üçün seçki bülleteninin üzərinə qoyulacaq brayl əlifbası ilə tərtib olunmuş trafaretlər artıq hazırdır. Onlar sabahdan etibarən yerlərdəki seçki komisiyalarına paylanılmağa başlayacaq. Bu barədə ANS-ə məlumat verən MSK-nın beynəlxalq əlaqələr şöbəsinin müdiri Rövzət Qasımovun sözlərinə görə, gözdən əlillərin səsverməsi zamanı da ümumi seçki bülletenlərindən istifadə olunacaq:“Səsvermə bülüteni var və həmin bülütenlərin üzərinə bu trafvretlər bərkidilir. Namizədlərin qarşısında olan kvadretlar trafaretlərin boş formasına düşür və brayel əlifbası ilə oxuyan seçicilər həmin bu hərflə oxuma zamanı bülüten üzərinə hər hansı bir namizədin üzərinə işarə qoyur və işarə qoulduqda həmin işarə trafetin məhz boş hissəisində bülütenin üzərinə düşür”.
Trafaretlərin hazırlanmasında Gözdən Əlillər Cəmiyyəti də iştirak edib. Cəmiyyətin üzvü, Brayl əlifbası üzrə mütəxəssis Mais Muradovun sözlərinə görə, trafaretlərin hazırlanması zamanı xüsusi texnikadan istifadə olunub.
Xatırladaq ki, indiyə qədər keçirilən seçkilərdə gözdən əlil şəxslər əksər hallarda digər insanların köməyi ilə səs veriblər. Bu kateqoriya əlilliyi olan İsrafil Əliyevin fikrincə Brayl əlibası ilə trafaretlərin hazırlanması onların seçki hüquqlarının qorunması və səsvermədə daha aktiv iştirakları üçün şəraitin yaradılması deməkdir: “Əvvəllər biz görməyənlər səverəndə mütləq kənar şəxsin köməyinə ehtiyacımız var idi. Bu da əslində bu da bizim seçki hüqqularımızın pozulması demək idi nə üçün? Çünki ola bilsin ki o adam mən deyən adamı yox öz fikiləşdiyi adamı qeyd edə bilərdi. İndi isə şəxsən mən heç nə görməsəm də, səs verəndə mənim kənar şəxsin köməyinə ehtiyacım yoxdu”.
Ölkədəki 29 min 500 gözdən əlil seçicinin səsvermədə iştirakına şərait yaradan Brayl əlifbası ilə çap edən yeganə printer 2004-cü ildə Gözdən əlillər cəmiyyəti tərəfindən 7 min dollara İsveçrədən alınıb. /ANS TV/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.