Pakistanın Pişəvar şəhərində baş vermiş partlayış nəticəsində ölənlərin sayı 33 nəfərə çatıb. Hal-hazırda xəstəxanalarda 80-ə yaxın yaralı müalicə olunur.

Xatırladaq ki, partlayış sentyabrın 6-da Pakistan Xalq Partiyasının həmsədri, ölkənin mərhum keçmiş baş naziri Bənazir Bhuttonun həyat yoldaşı Asif Əli Zərdari prezident seçildikdən sonra baş verib. Qanlı insident minalanmış avtomobili şəhərin girəcəyindəki nəzarət-buraxılış məntəqəsinə çırpan terrorçu-kamikadze  tərəfindən törədilib. Partlayış nəticəsində nəzarət-buraxılış məntəqəsi tamamilə dağılıb.  

Bundan əlavə, yaxınlıqdakı bazar və 3 bina da dağıntılara məruz qalıb. Hüquq-mühafizə orqanlarının rəsmisinin bildirdiyinə görə, avtomobilə 40 kq-lıq partayıcı qurğu yerləşdirilib, terror hadisəsinin Taliban rejiminin döyüşçülərinə qarşı gücləndirilmiş hərbi kompaniyaya qarşı törədilməsi güman edilir. /ANS TV/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.