Abdulla Gül Serj Sarkisyanla görüşüb. «Anadolu» xəbər agentliyinin yaydığı məlumata görə, təxminən 1 saat davam edən görüşdə Türkiyənin xarici işlər naziri Əli Babacan da iştirak edib. Görüşdən sonra hər iki prezident mətbuat üçün açıqlama ilə çıxış edib. Görüşdə Qafqazdakı vəziyyətin müzakirə olunduğunu bildirən Türkiyə prezidenti deyib ki, Ermənistanla Türkiyə arasındakı problemlərin aradan qaldırılması üçün münbit şəraitin yaradılması istiqamətində iradə ortaya qoyulub: «Ümid edirəm ki, bu səfər iki ölkə arasında problemlərin həlli üçün yeni bir başlanğıc olacaq».
Ermənistanın dövlət bakşçısı Serj Sarkisyan isə dəvəti qəbul etdiyi üçün Abdulla Gülə təşəkkür edib. Türkiyə prezidentinin onu Türkiyə-Ermənistan oyununa dəvət etdiyini bildirən Serx Sarkisyan, «Mən bunu yaxşı bir başlanğıc kimi dəyərləndirirəm deyib». Ermənistan prezidenti iki ölkə arasındakı problemlərin həll ediləcəyinə və gələcək nəsillərə buraxılmayacağına əminliyini ifadə edib.
/ANS PRESS/

Şəkillərə burada baxa bilərsiniz

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.