Bu gün Bakı Apellyasiya Məhkəməsində hakim Abid Abdinbəyovun sədrliyi ilə Bakı şəhər Prokurorluğunun mühüm işlər üzrə sabiq müstəntiqi Mahir Nağıyevin apellyasiya şikayəti üzrə məhkəmə prosesi keçirilib. Məhkəmədən ANS PRESS-ə verilən məlumata görə, prosesdə hakim müdafiə tərəfinin ilkin baxış iclasının qərarından kasasiya şikayəti verdiyini bildirib. Bu səbəbdən proses qeyri-müəyən vaxta kimi təxirə salınıb.
Qeyd edək ki, Azərbaycan Cinayət Məcəlləsinin rüşvət alma (311-ci), vəzifə səlahiyyətlərindən sui-istifadə (308-cu) və vəzifə səlahiyyətlərini aşma (309-cu) maddələri ilə ittiham olunan M. Nağıyev Ağır Cinayətlərə Dair İşlər üzrə Məhkəmənin hökmü ilə 5 il müddətinə azadlıqdan məhrum edilib.

Anar Məmmədov /ANS PRESS/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.