İslamabad yaxınlığında ölkənin iri hərbi zavodlarından birində 2 terrorçu-kamikadzenin həyata keçirdiyi terror aktı nəticəsində ən azı 50 nəfər ölüb, 100-dən artıq insan isə yaralanıb. Verilən məlumata görə, kamikadzelər bədənlərinə bağladıqları partlayıcı qurğuları zavodun iki çıxış qapısında eyni vaxtda işə salıblar. Terror aktı zavodda növbə dəyişməsi zamanı baş verdiyindən, qurbanların sayı çox olub. Terror aktının taliban hərəkatı tərəfindən törədildiyi güman edilir. Hərəkat rəhbərliyi bir neçə gün əvvəl yaydığı bəyanatda Pakistan ordusunun Əfqanıstanla sərhəddə taliblərə qarşı keçirdiyi əməliyyata layiqli cavab veriləcəyini bəyan edib. Qeyd edək ki, bu əməliyyat zamanı 500-dən artıq taliban üzvü zərərsizləşdirilib. /ANS TV/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.