Fransanın prezidenti Nikola Sarkozi Əfqanıstanda səfərdədir. Qeyd edək ki, Əfqanıstanda avqustun 19-da Taliban döyüşçüləri 10 fransız hərbiçisini öldürüb, 21 nəfəri isə yaralayıb. Fransa prezidentininsəfəri bu ölkədə olan Fransa hərbi kontingentinə dəstək vermək xaraktetri daşıyır. Fransanın dövlət başçısını Əfqanıstan prezidenti Həmid Kərzai qarşılayıb. Nikola Sarkozi bildirib ki, baş verənlərə baxmayaraq onun ölkəsi terrorizim əleyhinə mübarizəni və Əfqanıstandaki missiyasını davam etdirəcək. Səfər çərçivəsində Fransa prezidenti ilk olaraq Kabil şəhərində fransa əsgərlərinin cəsədləri olan kilsəyə baş çəkib. Daha sonra isə o hərbçilərlə görüşüb. Hərbçilər qarşısında çıxış edən Nikola Sarkozi onların fəaliyyətini yüksək qiymətləndirib.

“Doslarımıza bizim sadiqliyi göstərmək üçün ən yaxşı yol öz işimizi davam etdirməkdir. Mənim bu barədə heç şübhəm yoxdur. Biz burada olmalıyıq. Millət sizin 10 döyüş yoldaşınızın xatirəsinə öz ehtiramını bildirir. Onlar öz vəzifələrini tam olaraq yerinə yetiriblər və bu onlara həyatları bahasına başa gəlib. Bu da bizə əsgər olmağın başqa işlərə bənzəmədiyini xatırladır”.

Qeyd edək ki, Fransa höküməti avqust ayının sonuna qədər Əfqanıstana 700 əlavə hərbçi göndərmək niyyətindədir. Bununla da Fransa Əfqanıstandaki hərbi kontingentini 2 min 600-ə çatdıracaq. Xatırladaq ki, 2002-ci ildən bəri Əfqanıstanda 24 fransız hərbçisi öldürülüb. /ANS TV/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.