Slovakiyanın Koşitse şəhərində keçirilmiş gənc güləşçilər arasında Avropa Çempionatı Azərbaycan idmançıları üçün uğurlu olub. Həmyerlilərimiz vətənə 11 medalla qayıdırlar.

Birinciliyin son günündə daha iki sərbəst güləşçimiz bürünc medal qazanıb. İlk olaraq 50 kq çəki dərəcəsində yarışmış Xanlar Şirəliyev fəxri kürsüyə qalxıb. O, finala qədər irəliləyə bilməsə də, təsəlli döyüşündə qalib gəlib. Xanlarla yanaşı, Etimad Qurbanov da fəxri kürsünün 2-cü pilləsinə qalxıb.

Xatırladaq ki, sərbəst güləşçilərimizdən Yaşar Əliyev, Cəbrayıl Həsənov və Roman Bəkirov da qitə yarışında 3-cü olmuşdular. Ümumilikdə isə Azərbaycanın gənc güləşçiləri Slovakiyada 3 qızıl, 2 gümüş və 6 bürünc medal qazanıblar. /ANS TV/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.