Bu gün Təhsil Nazirliyi mərkəzləşdirilmiş test imtahanlarından qeyri-müvəffəq qiymət almış şagirdlər üçün təkrar imtahan keçirib. Nazirlikdən verilən məlumata görə, Bakıda 5 mərkəzdə təşkil olunmuş təkrar imtahanlara yalnız 1500 şagird iştirak üçün ərizə ilə müraciət edib. Ümumilikdə isə attestat ala bilməyən 5 minə yaxin şagirdin imtahanlarda iştirakı üçün şərait  yaradılıb. Bu məqsədlə ərizə ilə müraciət etməyən şagirdlərin də təkrar imtahanlarda iştirakı  üçün təhsil aldıqları orta məktəblərə, o cümlədən rayon təhsil şöbələrinə məlumatlar verilib və  həmin şagirdlərin də  təkrar imtahanlara  qatılması üçün bərarbər şərait yaradıb. 

Qeyd edək ki, təkrar imtahanlarda şagirdlər yalnız zəif nəticə göstərdikləri  fənlərdən təkrar olaraq sınağa  çəkiliblər. Şagirdlərə 3 saat vaxt verilib. /ANS TV/

© 2008 Bütün hüquqlar qorunur. Xəbərlərdən istifadə edərkən ANS-PRESS-ə istinad zəruridir.