Xalq artistinin əri: "Mən onun puluna görə evlənmədim" (VİDEO, FOTO)

Annanın qazandığı pullar evlilik dönəmimizdə mənə aid olmayacaq.
44 yaşlı tanınmış rusiyalı məşhur opera ifaçısı Anna Netrebko ilə 38 yaşlı azərbaycanlı tenor Yusif Eyvazov Rusiyanın “Birinci kanal”ında, aparıcı Andrey Malaxovun "Seqodnya veçerom" verilişində qonaq olublar.

ANS PRESS-in məlumatına görə, cütlük verilişdə şəxsi həyatlarından danışıblar. Yusif Eyvazov canlı yayımda etiraf edib ki, Annanı çox qısqanır. O, hətta əlavə edib ki, həyat yoldaşı həmkarları ilə salamlaşanda onları öpməsindən xoşu gəlmir.

“Bilirsiniz ki, Anna öz tamaşalarında yaratdığı obrazları ürəkdən oynayıb .Lakin bundan sonra elə hallar baş versə ,əlbəttə ki, münasibətlərimizə təsir edər. Onun geyindiyi hansısa geyim bədən quruluşunu göstərirsə, mən narahat oluram. Belə halda Anna mənim xoşuma gəlməyən geyimi dəyişir”.




Cütlüyün valideyinləri də verilişdə olub. Yusif Eyvazovun anası Şəfiqə Eyvazova gəlinin Azərbaycan mətbəxini bildiyini təəcüblə qeyd edib. Onun sözlərinə görə, Anna Azərbaycan yeməklərini gözəl bişirir.

“Anna Bakıya qonaq gələndə Azərbaycan yeməkləri ilə çox maraqlanırdı. Mən onların qonağı olanda isə, Annanın əl qabiliyyətini gözlərimlə gördüm. Anna hər şeyi özü edirdi, mən o zaman çox təəcübləndim. O, Azərbaycan yeməklərini çox gözəl hazırlayır".

Yusif Eyvazov qeyd edib ki, Anna ilə pula görə yox, məhz sevdiyi üçün evlənib:

"Münasibətlərimizin qızğın çağında Annanın agentinə dedim ki, müqavilə hazırlasın. Bu müqavilənin forması ondan ibarət idi ki, Annanın qazandığı pullar evlilik dönəmimizdə mənə aid olmayacaq. Bununla da sübut etdim ki, onunla puluna görə yox, sevdiyim üçün ailə qururam”.


Anna Netrebko ilə Yusif Eyvazovun toy şəkli

Onlar ilk dəfə necə tanış olduqlarını da gülə-gülə xatırlayıblar. Cütlük Romada tanış olublar. Annanın sözlərinə görə, ilk addımı o edib. Rusiyanın xalq artisti azərbaycanlı tenora gözəl sözlər və atmacalar atdığını deyib. Yusif isə “iş romanına” ehtiyatla yanaşıb.


Anna Netrebko ilə Yusif Eyvazov A.Malaxovun verilişində


Ötən ilin dekabr ayında Avstriyanın paytaxtı Vyanada məşhur rusiyalı opera ifaçısı Anna Netrebko ilə azərbaycanlı tenor Yusif Eyvazovun möhtəşəm toy mərasimi baş tutub.


Polad Bülbüloğlunun "İnstaqram" səhifəsi

Toyda bir çox məşhur sima iştirak edib. Onların arasında Azərbaycanın mədəniyət və turizm naziri Əbülfəs Qarayev və Azərbaycanın Rusiyadakı fövqəladə və səlahiyyətli səfiri Polad Bülbüloğlu , həmçinin Fərhad Bədəlbəyli də olub. Azərbaycanlı rəsmilər mərasimə ailə üzvləri ilə birlikdə qatılıblar.


Azərbaycanlı qonaqlar

Anna Netrebkonun taxdığı tac hər kəsin marağına səbəb olub. Kübar cəmiyyətin seçimi olan tacı "Chopard" ifaçıya təqdim edib. Bu tac təxminən 2 milyon avro qiymətindədir.

Yusif Eyvazov Bakı Musiqi Akademiyasını bitirib. Böyük Teatrda və Milan teatrında aparıcı rollarda çıxış edib. Eyvazovun anası Bakı məktəblərindən birində biologiya müəlliməsi işləyir.