Mədəniyyət və turizm naziri Əbülfəs Qarayev “Hesabat”ın qonağı olub

"Son illər ölkəyə gələn turist sayı 2 milyona çatıb".
Əbülfəz Qarayev - mədəniyyət və turizm naziri
Əbülfəz Qarayev - mədəniyyət və turizm naziri

Bu ilin aprel-may aylarına  Birləşmiş Ərəb Əmirliklərindən (BƏƏ) Azərbaycana gələn qonaqların sayı ötən iki ilin birgə göstəricisinə bərabərdir.

Azərbaycanın mədəniyyət və turizm naziri Əbülfəs Qarayev bu sözləri ANS TV-nin “Hesabat” verilişində Mir Şahinin suallarını cavablandıran zaman bildirib. 

Nazir bu məsələdə əsas rolun Azərbaycan üçün ənənəvi turizm mənbəyi olmayan ölkələrdə təqdim edilən reklamlara məxsus olduğunu bildirib. Onun sözlərinə görə, son illər görülən işlər nəticəsində Azərbaycana gələn turist sayı bir neçə dəfə artaraq 2 milyona çatıb. Həmçinin ölkədə turistləri qəbul etmək üçün mehmanxanalarda yer sayı 11 mindən 38 minə çatıb. Bunun 17 mini Bakının, qalanları isə regionların payına düşür.

“Statistikaya görə, Azərbaycanda turizm sektoru ümumi daxili məhsulun (ÜDM) 4,1 faizini təşkil edir. Neft ölkəsi üçün bu, yetərincə yüksək göstəricidir”,- deyə Əbülfəs Qarayev vurğulayıb.

Əbülfəz Qarayev "Hesabat"da1
Əbülfəz Qarayev "Hesabat"da 2