AST Telmanın cəmi 30 dolları qalıb

O, Rusiyanın ən zəngin biznesmenlərindən biri olub.
Telman İsmayılov - Azərbaycan əsilli milyarder
Telman İsmayılov - Azərbaycan əsilli milyarder

Rusiyada martın son həftəsində fiziki şəxslərin müflis elan edilməsi üzrə birinci məhkəmənin qəbul etdiyi qərar qüvvəyə minib.  ANS PRESS-in məlumatına görə, müflis olan fiziki şəxslər siyahısında Azərbaycan əsilli milyarder Telman İsmayılovun da adı var.  Moskva vilayətinin Arbitraj Məhkəməsi multimilyoner və “Çerkizovsk” bazarının sabiq rəhbərinin müflis elan edilməsi barədə qərar qəbul edib. 

2009-cu ildə  İsmayılov ilk dəfə Rusiyanın ən zəngin biznesmenlərinin siyahısına düşüb. “Forbes” onun sərvətini 600 milyon dollar dəyərində qiymətləndirib. 2015-ci ilin 21 dekabrında verilən məhkəmə qərarına əsasən,  Telman İsmayılovun təxminən 14 milyon rubl dəyərində olan torpaq sahəsi, 25 min nağd pul, bank hesablarında isə 100 rubl və 30 dolları var. 

Elə bu səbəbdən “Çerkizovsk” bazarını dəfələrlə bağlamaq istəyiblər. Hətta  bazarın bağlanması ilə bağlı bir neçə dəfə məhkəmənin qərar çıxarmasına baxmayaraq, bazar işləməkdə davam edib. Daha sonra Federal Miqrasiya Xidməti bazarda yüzlərlə qeyri-leqal miqrant aşkar edib.

Bundan sonra bazarın fəaliyyəti dayandırılıb, binalar sökülüb. Bununla da MDB-də ən böyük bazar bağlanıb. 

“Çerkizovsk” bazarı
“Çerkizovsk” bazarı

Oliqarx biznesin müxtəlif sahələri - otel, zərgərlik, tikinti ilə məşğul olsa da onun əsas gəlir mənbəyi “Çerkizovsk” bazarı olub. Belə ki, burada "AST" qrupu 200 hektardan çox ərazisi olan nəhəng bazara nəzarət edib. Bazarda isə min bir xırdavatdan tutmuş, ən iri məhsullara kimi hər şey satılıb. Bəzi mənbələrdə burada hətta narkotikin satıldığı da deyilir.

Mərdan Palace - otel
Mərdan Palace - otel

Kreditorların onu sıxışdırması nəticəsində milyarder Türkiyənin Antalya şəhərində yerləşən, atası Mərdan İsmayılovun adını daşıyan lüks oteli həqiqi dəyərindən çox aşağı qiymətə - 130 milyon dollara satıb. Halbuki onun tikintisi Telman İsmayilova onqat baha başa gəlmişdi. Satışdan əldə olunan gəlirlərlə biznesmen köhnə borclarını bağlamağa çalışıb.

İsmayılov Telman Mərdan oğlu 1956-cı ildə Bakıda anadan olub. Həyatının çox hissəsini Rusiyada keçirən Telman İsmayılov hazırda da Rusiyada yaşayır və "AST" Şirkətlər Qrupunun sahibidir.

 

Şərhlər