KİV-də peşəkarlıq problemi müzakirə edilib

Musa Yaqub: "Qeyri-peşəkarlığın yaranma səbəblərindən biri reklam uğrunda qeyri-sağlam mübarizədir"

Bu gün Söz Azadlığının Müdafiə Fondu tərəfindən kütləvi informasiya vasitələrində peşəkarlıq problemini yaradan səbəblər mövzusunda dəyirmi masa keçirilib.

Tədbirdə son illərdə kütləvi informasiya vasitələrində yaranmış və artıq ölkə miqyasında geniş müzakirələrə səbəb olmuş peşəkarlıq problemi ətrafında müzakirələr aparılıb.
Söz Azadlığının Müdafiə Fondunun sədri Musa Yaqub deyib ki, KİV-də qeyri-peşəkarlığın yaranma səbəblərindən biri reklam uğrunda qeyri-sağlam mübarizənin yaratdığı fəsadlardır. Onun sözlərinə görə, daha çox reklam əldə etmək istəyən daha çox auditoriya qazanmaq uğrunda mübarizə aparmalıdır.

Tədbirdə müxtəlif ictimai birlik və kütləvi informasiya vasitələrinin rəhbərləri iştirak edib.